Rritja e paprecedentë e çmimit të energjisë dhe gjithashtu frika e ndërprerjeve së furnizimit, po i shtyn britanikët drejt blerjeve masive të gjeneratorëve, elektrikëve të dorës dhe qirinjve.
“National Grid”, kompania britanike e energjisë elektrike dhe gazit, paralajmëroi këtë muaj se Britania mund të përballet me ndërprerje të planifikuara prej 3 orësh në shtëpi dhe biznese, nëse nuk do të jetë në gjendje të importojë energji nga Europa.
Rregullatori i industrisë së gazit dhe energjisë elektrike në Britani, Ofgem, ka njoftuar se familjet britanike duhet të kufizojnë përdorimin e gazit dhe energjisë elektrike sa më shumë që të jetë e mundur këtë dimër për të ndihmuar në uljen e kostove dhe për të kufizuar rrezikun e ndërprerjeve të energjisë.
