Një ekstremist i djathtë akuzohet se ka komplotuar për vrasjen e presidentit Emmanuel Macron në paradën e Ditës së Bastijës, më vonë gjatë muajit.
23-vjeçari u arrestua në një lagje të Parisit, pasi policia u njoftua nga përdoruesit e një “chat room”-i me videolojëra, ku ai kishte tentuar të blinte një armë. Personi po kështu thoshte se donte të sulmonte minoritetet.
Sa i përket komplotistit, hetuesit gjetën 3 thika kuzhine në mjetin e të dyshuarit, ndërsa analiza e të dhënave në kompjuterin e tij nxori si rezultat faktin që ai kishte kërkuar në internet për objektivat e mundshëm të sulmit.
Pas arrestimit nga policia, ai u kishte thënë agjentëve se donte të sulmonte “myslimanët, hebrenjtë, njerëzit me ngjyrë dhe homoseksualët”.
