Është dënuar me 1 vit burg biznesmeni shqiptar Bilal Shehu, i cili i siguroi një foto Edi Ramës me ish-Presidentin Barack Obama në vitin 2012. Gjykata amerikane i ka konvertuar biznesmenit shqiptar në Shtetet e Bashkuara të Amerikës dënimin me 1 vit burg në shërbim prove.
Shtetasi Bilal Shehu u shpall fajtor se ka transferuar 80 mijë dollarë donacion për fushatën e Barack Obamës nga një burim i huaj jashtë vendit, të cilin nuk e ka treguar. Nga ky donacion kryeministri shqiptar Edi Rama mundësoi një foto me ish-Presidentin amerikan, ku ishte ftuar në ceremoninë e mbledhjes së fondeve.
