Forcat e ushtrisë kanë zbarkuar në terren pasditen e sotme për të monitoruar qytetarët të cilët nuk u binden masave të vendosura nga qeveria kundër përhapjes së koronavirus që deri më tani ka shënuar 70 të infektuar dhe 2 viktima në vendin tonë.
Kujtojmë se fashat orare kur mund të lëvizin qytetarët janë në orën 06:00-10:00 dhe 16:00-18:00. Të gjithë ata që nuk respektojnë këto orare dhe që lëvizin më shumë se dy persona në një distancë të afërt do të ndëshkohen me gjoba.
Ndërkaq bëjmë me dije se prej ditësh është ndaluar dhe qarkullimi i makinave, përjashtuar ata që marrin autorizim. Gjobat dhe penalitetet gjatë këtyre ditëve kanë qenë të shumta pasi jo të gjithë respektojnë thirrjet për të qëndruar të izoluar në shtëpi në mënyrë që të shmanget përhapja e mëtejshme e Covid-19 që po pushton botën.
https://streamable.com/riowi
