Rreth 500 efektivë të Forcave të Armatosura të Shqipërisë dhe 65 mjete të rënda kanë ndërmarrë operacionin “Bluzat e bardha” për pastrimin e akseve rrugore përgjatë rivierës që nga Vlora deri në Butrint.
Falë këtij aksioni është bërë e mundur heqja e dhjetëra tonë mbeturinash nga akset rrugore të pjesës më të bukur të bregdetit shqiptar.
Nazmi Cahani, komandanti i Forcës Tokësore gjatë inspektimit të punës në terren theksoi aksioni i pastrimit të zonave turistike duhet të shërbejë si sensibilizim për qytetarët.
Nazmi Cahani: – Një nevojë për të sensibilizuar qytetarët, por edhe për të ndihmuar në pastrimin e pjesës bregdetare, duke filluar nga Pasha Alimani deri në Ksamil. Ne mendojmë se mund të japim një impakt të mirë.
