Forcat e Ndërhyrjes së Shpejtë kanë zbarkuar sërish në Vlorë, ku po kryhen kontrolle në disa zona. Burime bëjnë me dije se aksioni ka nisur përmes kontrollit në hyrje të qytetit bregdetar.
Ndërsa, në rreth rrotullimin e Nartës, së bashku me policinë e qarkut kanë kryer kontrollin e automjeteve të shtrenjta, ato të dyshuara si dhe me xhama të zinj. Po kërkojnë për armë, drogë dhe eksponentë të krimit të organizuar.
Gjatë mbrëmjes së djeshme por edhe sot mësohet se kanë ushtruar kontrolle në bashkitë Vlorë dhe Selenicë për persona të krimit. Kontrollet vijojnë në qytet.
