Partia Demokratike zbulon “Dëshmitarin X”, ai është Albert Veliu. 51-vjeçari ka rrëfyer njohjen me Agron Xhafajn si dhe bashkëpunimet që ka pasur me të. Dvshmitari ka deklaruar se donte ta vinte në provë vëllain e ministrit të Brendshëm, pasi kur vuajti dënimin në burg në Itali nuk shkoi as t’i çonte një paketë.
“Dëshmitari X” rrëfen:
“Jam Albert Veliu, 51 vjeç. Jam i papunë, jetoj me rrogën e djalit. Kam shitur kokainë në Itali, kam punuar me grupin e Agron Xhafajt. Kam qenë në Itali, kam punuar tërë jetën në det. Agronin e njoh që në vitin 1999. Në 2005 u dënova sepse u kapa me 12 kile kokainë në Itali. Bëra 7 vjet burg. Kur rashë brenda Argon nuk më solli një paketë cigare. Në vitin 2016 e takova dhe i kërkova punë për djalin, punoi kamarier. Djali është 22 vjeç. Punoi kamerier gjashtë muaj, e hoqën se s’përballonte dot ekonominë e shtëpisë.
Para 6 muajsh i kërkova të më bënte një nder për të kaluar hashash në Itali dhe më prezantoi Ermalin. E vura në provë se sa korrekt ishte për mua sepse kur rashë në burg s’më solli një paketë. Ai është komandant i drogës. Ai më tha byjrëm, më tha sille hashashin. Atë punë ka bërë tërë kohën, jo vetëm me mua por dhe me shumë të tjerë. Kishte lidhje me shefin e kufirit, policinë e Vlorës, punët e tyre. Agroni më tha do takosh Ermalin, më duket se ishte shef kufiri. Jam ulur në tavolinë me të. Kemi folur që thonë është falso, le ta verifikojnë.
E bëra se ashtu më la edhe mua në baltë, edhe unë e vendosa në provë dhe i ktheva kurrizin. Sot është ai dikushi, unë jam pa bukë në shtëpi. Sikur ja bën një njeriu do e pësosh. Me politikën nuk jam marrë as nuk merrem kurrë. Që ditën e parë kur doli audio pronari i djalit më tha është zëri yt. Edhe sot i kishte shkuar djalit te puna shefi i krimit, Alketi, i kishte thënë dua ta takojmë, pasi do e marrim në mbrojtje. Unë jam njeri i drejtë, për çfarë duhet të më mbrojë? Agroni është i vetëdijshëm për përgjimin, ai ka bizneset e tij. Nuk kam frikë se nuk i kam borxh njeriu.”
https://www.facebook.com/partiademokratike/videos/10156298678999909/
