Në lidhje me rastin e djeshëm, ku drejtori i një shkolle 9-vjeçare në Lushnje ka ngacmuar një nxënëse, ka folur babai i 15-vjeçares. Në një prononcim për Top Channal, babi u shpreh se që në momentin kur vajza i kishte treguar se drejtori Rrahman Çela e kishte ngacmuar, ka shkuar menjëherë e ka denoncuar dhe e ka larguar vajzën nga ajo shkollë. Ai gjithashtu tha se vajza ka pasur makthe gjatë natës.
“Vajza më ka thënë se drejtori i shkollës tentoi të më puthte dhe ika me vrap. Të nesërmen ika te Drejtoria e Arsimit për ta hequr nga ajo shkollë dhe më pas u mor policia me këtë rast. Nuk kam dëgjuar më parë për raste të tjera me drejtorin, por vajza ka pasur makthe natën. Kam pesë vjet që jam divorcuar dhe nuk e di nëse ka pasur raste të tjera” – është shprehur babai.
Për rastin kanë folur edhe fqinjët, ku thonë se vajza donte të ikte në Itali tek e ëma e saj.
“Ndërsa fqinjët shprehen se vajza donte të ikte në Itali se kishte dy javë që e ëma ishte kthyer në Shqipëri dhe ajo kishte shprehur dëshirën të ikte në Itali tek e ëma” – thanë fqinjët.
Drejtori i shkollës 9-vjeçare, Rrahman Çela, në Lushnje është arrestuar ditën e djeshme nga policia, pasi akuzohet se ka ngacmuar një nxënëse. 55-vjeçarit i është dhënë masën e sigurisë, arrest me burg.
