E kishte quajtur prostitutë Federatën për të treguar publikisht se nuk trembej nga kërcënimet e saj, aq më pak nga drejtuesit e futbollit, por administratori i Flamurtarit, Sinan Idrizi, me fyrjen e tij spektakolare ka nxitur më tej kurajon e FSHF-së dhe klubi vlonjat është dënuar me 6 pikë minus dhe brenda 12 ditëve, nëse nuk paguan detyrimet, mund ta shoh veten një kategori më poshtë.
Pasi mundën Skënderbeun dhe në Vlorë filluan të shpresonin se ekipi do të dilte nga “tuneli financiar” ku ishte zhytur prej kohësh, vjen goditja e nokautit për një skuadër, që dikur ka bërë historinë e futbollit të vendit, por që prej kohësh nuk është në listën e ekipeve të preferuara të FSHF-së.
