Deputeti i Partisë Demokratike, Flamur Noka i ftuar në studion e Ora Neës, tha se dosja për megaoperacionin që çoi në pranga 27 persona, është sakatuar dhe cunguar, pasi është shmangur sipas tij, “peshku i madh”, kryebashkiaku u Durrësit, Vangjush Dako.
Noka tha se njësoj si operacioni i Xibrakës apo ai i kapjes së 613 kilogramëve kokainë në Maminas, janë shmangur “kokat” kryesore të lidhura sipas tij me Edi Ramën.
Ai shton: “Operacioni është i sakatuar. “Peshku i madh” i kësaj dosje është Vangjush Dako. Do të doja që këtë gjë ta hidhte poshtë Donika Prela, së bashku me kryeprokuroren politike të Partisë. Gjushi dhe vetëm Gjushi është koka e këtij grupi që po mundohen të na e paraqesin si sukses.”
http://oranews.tv/article/noka-operacioni-ne-durres-i-sakatuar-shmangu-peshkun-e-madh-vangjush-dakon
