Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Fino kundër rezolutës së PS: Nëse shkarkojmë Metën, thellojmë gabimin

Nga Klodiana 0

Deputeti i PS-së, Bashkim Fino, ka dalë kundër rezolutës së PS për shkarkimin e presidentit Ilir Meta.

Nga foltorja e Kuvendit, Fino tha se shkarkimi i kreut të shtetit Ilir Meta, nuk bën gjë tjetër veçse thellon gabimin e bërë nga socialistët kur ata e propozuan dhe e votuan si president në 2017-ën.

“Presidenti ka kërcënuar shqiptarët duke lajmëruar nga podiumi i presidencës se nëse PD dhe LSI nëse nuk hyjnë në zgjedhje do të ketë luftë, si e kërcënon kështu popullin tënd? Ky është atentati më i madh që i është bërë sovranit e popullit. Si ish-kryeministër në një moment shumë të vështirë dhe deputet për një kohë të gjatë, unë e di që pluralizmi është instrumenti i sovranitetit që ushtrohet nga zgjedhjet. Shumë militantë do të donin që presidenti të shkarkohej sot, dhe i mirëkuptoj, janë po ata që na panë me inat kur e votuam, por them se gabimin që kemi bërë nuk e thellojmë duke e shkarkuar, le ta lëmë atë ta thellojë deri në fund. Presidenti ka kry punë. Presidenti ka kry punë me zgjedhjet sa herë që afrohen afatet kushtetuese dhe të kodit zgjedhor dhe sa herë që merr letrat afatet e radhës dhe kalkulon datën e zgjedhjeve. Është njësoj sikur mjafton të grisësh kalendarin dhe data zhduket nga qarkullimi. Presidenti parashikon të thotë që po nuk e nxori ai dekreti nuk ka zgjedhje. Ka një arsyetim pse kushtetua dhe kodi i kanë lënë në dorë presidenti të nxjerrë vetëm dy data, ua them unë; sepse ka pasur dhe presidentë të tjerë si ky që besonin se caktimi i datës besonin se është privilegj i tyre, por kushtetuta nuk parashikon që ai mund të bëhej pishman dhe t’i binte me grusht dhe të ndryshonte datën”- tha ai.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej