Errësirë edhe në Vlorë gjatë takimit Flamurtari – Tirana, duke mos qenë e thënë që një ndeshje futbolli në këtë vend të vazhdojë normalisht, nën ndriçimin e prozhektorëve. Vetëm disa sekonda zgjati ndeshja e shumëpritur në stadiumin “Flamurtari” dhe më pas sërish “blackout”. Por për fatin e mirë, këtë rradhë energjia elektrike vjen shpejt, pasi ndryshe nga “Selman Stërmasi”, në stadiumin e Vlorës kishte edhe një linjë të dytë. Por gjithçka zgjati vetëm 16 minuta, pasi energjia elektrike iku sërish, tashmë në kabinat e transmetimit.
Flamurtari e fillon ndeshjen me mungesa shumë të rëndësishme, duke filluar nga portjeri Halilaj dhe në mesfushë nuk ishin të gatshëm dy lojtarë kryesorë, si Telushi dhe Zeqiri. Më pas doli i dëmtuar Donjet Shkodra dhe më vonë edhe Kuqi, pas një përplasje të frikshme me Sisen dhe u bënë vërtetë shumë. Por në fund fiton pikërisht skuadra vlonjate. Grintë, karakter, trajneri Mezani pothuajse pa stol, megjithatë e nis takimin me të gjithë sulmuesit e mundshëm, Alvesh, Bushiç, Shehaj, por edhe Galiç, ndërsa golin në rrjetë e dërgon Shkodra në të 42’, pas një asisti perfekt të Shehajt. Ndërsa Tirana kthehet në identitet, por edhe Josa e ka një alibi, pasi kishte një “beby-mbrojtje”, fillimisht Domgjoni e nisi titular dhe më pas një tjetër 19-vjeçar, Deliaj, zuri vendin e Muçës së dëmtuar.
Ndërsa në “Elbasan Arena”, Partizani ka shënuar një gol me anë të Ekuban që në të 4’, por asistenti Denis Rexha ka gabuar, duke e vlrësuar në pozicion jashtë loje. Më pas një lojë spektakolare, por që gabohet pafund në vijën e parë. Pejiç, Lena, Ekuban, Bardhi, gjithsecili në garë, se kush mund të humbasë raste më të pastra dhe në fund askush nuk përfitoi nga hapi fals i Skënderbeut në “Loro Boriçi”
