Është arrestuar një 20-vjeçar nga policia, pasi qarkullonte me armë zjarri në makinë. Noel Osmani, banues në lagjen “16 Prilli” të Fierit u kap në flagrancë nga policia gjatë orëve të natës të djeshme dhe iu sekuestrua arma e zjarrit pistoletë tip “Beretta” dhe 7 fishekë.
Arrestimi i këtij shtetasi u bë në fshatin Daullas, në mjetin e tij tip “Volkswagen”, me targa të një mjeti tjetër. Atij iu gjet dhe iu sekuestrua në cilësinë e provës materiale një armë zjarri, pistoletë e tipit “Beretta”, të cilën e mbante pa leje, si edhe 7 fishekë.
Materialet i kaluan Prokurorisë pranë Gjykatës së Shkallës së Parë në Fier për veprën penale “Prodhimi dhe mbajtja pa leje e armëve dhe municionit luftarak” parashikuar nga Neni 278 i Kodit Penal.
