Nga Arben Llalla
Festim Avdulla Lato, i cili e thërret veten “President dhe kryeministër i Republikës së Çamërisë”, ka një të shkuar të errët. Ai është dënuar për vjedhje në vitin 1993 nga Gjykata e Vlorës dhe në vitin 2015 Gjykata e Tiranës e dënoi Festim Avdulla Laton me dy vjet heqje lirie për mashtrim.
http://www.dogana.gov.al/dokument/1307/001770
Por, nuk ndalet me kaq; ai është dënuar në vitin 2017 me vendim të formës së prerë për mospagim të doganave. Kështu, në listën që Drejtoria e Doganave ka shpërndarë për mediat, Interpolit dhe policisë kufitare gjendet edhe emri i “Presidentit-kryeministër” i “Republikës së Çamërisë”, Festim Avdulla Lato.
Tashmë opinioni mbarë shqiptar e di fare mirë, përse Festim Lato bënë zhurmë, gjoja për të drejtat e Çamërisë, pasi kërkon që në emër të patriotizmit t’i shpëtojë dënimeve me burg, por edhe të bëjë ndonjë lek nga vjedhja e mashtrimi i diasporës në emër të Çështjes Çame.
