Administrata e Ushqimit dhe Barnave (FDA) dha të hënën miratimin e plotë të vaksinës Pfizer, duke u bërë vaksina e parë per Covid-19 që kalon nga një status autorizimi urgjent në miratimin e plotë të FDA-se.
Miratimi vjen një javë para parashikimit të zyrtarëve federalë të shëndetësisë se agjencia do të përfundonte rishikimin e saj deri në Ditën e Punës (6 shtator).
Miratimi i plotë tregon se Pfizer ka treguar mjaft efektivitet dhe të dhëna sigurie për të përmbushur kërkesat e rrepta të Aplikimit të Licencës Biologjike (BLA), e cila përfshin të paktën gjashtë muaj të dhëna sigurie nga shumica e vullnetarëve në një provë klinike të madhe, në fazën përfundimtare.
“Bazuar në të dhënat pasuese më afatgjata që paraqitëm, miratimi i sotëm për ata të moshës 16 vjeç e lart afirmon profilin e efikasitetit dhe sigurisë së vaksinës sonë në një kohë kur ajo është urgjente e nevojshme,” tha Albert Bourla, CEO i Pfizer në një deklaratë për ABC News.
“Qindra miliona doza të vaksinës sonë tashmë janë administruar në SHBA që nga dhjetori 2020, dhe ne mezi presim të vazhdojmë të punojmë me qeverinë amerikane për të vaksinuar më shumë amerikanë.” perfundoi ai.
Kirurgu i pergjithshem amerikan Dr. Vivek Murthy, tha në “This Week” në ABC se miratimi i plotë mund të coje drejt vaksinimit disa skeptike ndaj vaksines.
“Unë shpresoj se ky miratim do të ndihmojë në rritjen e besimit në vaksinën tonë, pasi vaksinimi mbetet mjeti më i mirë që kemi për të ndihmuar në mbrojtjen e jetës dhe arritjen e imunitetit të tufës,” tha Bourla.
