Sipas një raporti të publikuar nga Europol, Shqipëria mbetet burimi kryesor i kanabisit bimor i trafikuar në BE.
“Tregtia e drogës në BE vlerësohet të gjenerojë të paktën 24 miliardë euro të ardhura çdo vit, gjë që e bën atë tregun më të madh kriminal në BE. Ajo që vlerësohet shqetësuese është dhe trafikimi apo gjetja e blerësve të drogës në internet apo platforma të ndryshme online“, ka publikuar ndër të tjera Europol.
Europol vlerëson se këto para të fituara nga shitja e drogës, investohen dhe është shumë e vështirë që të sekuestrohen. Të dhënat tregojnë se vetëm 1% e të ardhurave nga droga konfiskohet nga autoritetet e ndryshme të BE-së.
