Sot ka filluar në Francë një takim mes përfaqësuesive të mbështetësve të skuadrave pjesmarrëse në Euro 2016, e organizuar nga Federata Franceze e Futbollit dhe UEFA-s, për të vendosur ato që janë quajtur “Ambasadat e Tifozëve”. I ftuar është edhe grupimi “Tifozët kuqezi”, i konsideruar si pjesë e koreografisë së aktivitetit më të rëndësishëm futbollistik të vitit. Por po nga organizatorët e europianit vijnë lajme kontradiktore. Për shkak të sulmeve terroriste të Parisit, por edhe kërcënime për skenarë të ngjashëm gjatë muajit kur e gjithë bota e sportit do ta ketë vëmendjen tek finalet e kampionatit të Francës, nuk përjashtohet mundësia të merren edhe masa drastike. Këto konsistojnë që nga ndryshimi i mundshëm i orareve të takimeve dhe deri tek më ekstremi, që ndeshjet të luhen me dyer të mbyllura, pra pa praninë e tifozëve. Gjatë sulmeve të përgjakshme të Parisit që shkaktuan 129 viktima ishte programuar edhe një i tillë në stadiumin “Stade de France”, ku po zhvillohej ndeshja miqësore midis Gjermanisë dhe Francës.
