Shorti për fazën çerekfinale të Champions League ka qenë fatlum për Realin e Zidan dhe gjermanët e Bajernit, të cilët me dorën e Zambrotës duket sikur kanë peshkuar skuadrat më të dobëta në letër, përkatësisht Volfsburgun dhe Benfikën. Për Barcelonën është rezervuar një “derbi” me Atletikon e Madridit, ndërsa Ibrahimoviç dhe Paris SG, që po kalojnë një formë të shkëlqyer dhe për herë të parë janë favoritë potencial për të fituar trofeun më të madh të kontinentit, do të kenë përballë anglezët e Mançester Sitit. Ndeshjet e para do të luhen në data 5 dhe 6 prill, ndërsa ato të kthimit në 12 dhe 13 prill, për të njohur më pas skuadrat që do të vazhdojnë garën për finale e Milanos.
Në Europa League do të ketë një tjetër “derbi” spanjoll, ai midis Atletikos së Bilbaos dhe Seviljes, kur duhet kujtuar që baskët eleminuan një tjetër spanjolle, pikërisht Valencian. Ndërsa për tu veçuar është kthimi i Jurgen Klop në Dortmund si kundërshtar, ndërkohë që Borusia dhe Liverpuli janë koutuar ehe si favoritë për trofeun e dytë për nga rëndësia të kontinentit, që sezonin e ardhshëm do të thotë një vend në Champions League. Ndeshjet do të luhen në data 7 dhe 14 prill, ndërsa ndeshja finale do të diskutohet në stadiumin e Bazelit.
Faza ¼ Champions League
Volfsburg – Real Madrid
Bajern Mynih – Benfika
Barcelona – Atletiko Madrid
Paris SG – Mançester Siti
Faza ¼ Europa League
Braga – Shaktar Donesk
Vijareal – Sparta Pragë
Atletik Bilbao – Sevilja
Borusia Dortmund – Liverpul
