Delegacioni i PE-se bën apel për zgjidhjen e situatës me dialog ndërsa paralajmëron se protestat e dhunshme mund të rrezikojnë dhe integrimin.
Knut Fleckenstein: “Ata që organizojnë protestën duhet të kujdesen që protesta të jetë jo e dhunshme. Nuk është e mundur të thuhet kjo është protesta ime, janë njerëzit e mi është demonstrata ime, por nuk është dhuna që ushtroj unë. Ai i cili urdhëron ushqimin duhet të paguajë prandaj ata që organizojnë këtë gjë duhet të kujdesen. Pasi nëse do të ndodhte do të shkatërronte shumë.
Nëse ne shikojmë deri nga mesi i qershorit gjatë gjithë kohës pamje dhune në rrugët e Tiranës sigurisht që kjo në vetvete do të kishte pasoja për diskutimet që do të organizohen në takimin e Këshillit në qershor. Kjo në vetvete do të kishte pasoja për diskutimet që do të organizohen në takimin e Këshillit në qershor.”
Delegacioni i Parlamentit Evropian ishte shumë i qartë në mesazhit që përcolli në konferencë për shtyp paraditen e sotme pas takimeve që ata mbajtën me drejtues të vendit, krerët e partive por dhe me përfaqësues të shoqërisë civile
Por a do të ndërmjetësojnë ndërkombëtarët?
Knut Fleckenstein: Jo, ka ardhur koha që ky vend të dëshmojë se i zgjidh vetë problemet e veta. Nuk është viti i parë, por 30 vjet pas rënies së regjimit, nëse të gjitha palët do të dëshironim jam e sigurtë që ne mund të gjenim një mënyrë për ti mbështetur ata. Por mos na i transferoni ne problemet për tia zgjidhur ne, këtë problem. Ky është problem që do të duhet të zgjidhet nga pakica dhe shumica e këtij vendi.
Eurodeputeti Tunne Kelam: Kriteri politik në vetvete do të thotë pasja e një demokracie funksionale dhe jo pasja e një parlamenti funksional ose gjysmë funksional. Ky në vetvete nuk është se është kriter politik. Sa i takon ndërmjetësimit ju keni shumë ndërmjetësim. Tani eshtë puna juaj, është problemi i brendshëm i juaji për të gjetur gjuhën dhe mbledhur me njëri tjetrin dhe të ngriheni mbi interesa partiakë. Ne e dimë që mbi 90% e shqiptarëve duan të jenë në BE. Kjo është mënyra si duhet ta kuptojnë liderët politikë të bashkpunojnë me njëri tjetrin.
Zhgenjimi – Knut Fleckenstein: U çudita dhe u zhgënjeva shumë nga kryetarja e LSI-së sepse ajo. U zhgënjeva nga kryetarja e LSI-së sepse tha vetëm një fjali në fund: Ata e kanë marrë vendimin e tyre që në Shqipëri ka nevojë për ndryshim pushteti nëse europianët nuk e kuptojnë këtë gjë ky është problemi i tyre. Ky është mesazh i qartë dhe besoj se ata në Bruksel që marrin vendime dhe ata që janë në Shqipëri duhet të kuptojnë se në cilën anë gjendet secili prej nesh.
