Mediat greke i kanë kushtuar rëndësi të madhe një deklarate të Presidentit të Turqisë, Rexhep Taip Erdogan, i cili ka paralajmëruar se bota po shkon drejt një lufte të re.
Sipas gazetës “To Vima”, këtë deklaratë Erdogan e ka bërë gjatë një aktiviteti në vend, ku foli hapur për Luftën e Tretë Botërore.
“Shtetet e Bashkuara kanë ndërtuar njëzetë baza në Siri, baza që janë drejtuar kundër Rusisë dhe mund të bëhen shkak për të shpërthyer Lufta e Tretë Botërore. Pyetja është pse ata kanë nevojë për bazat amerikane në Siri? Le të bëhemi gati për Luftën e Tretë Botërore. Ne duhet të jemi gati për të gjitha mundësitë.”- tha Erdogan.
