Epidemiologu italian kritikon ashpër Ramën: Nuk është e nevojshme për masa kaq shtrënguese

Epidemiologu italian Giulio Tarro në një intervistë të dhënë ka shprehur kritika ndaj “qeverisë Rama”, pasi me ecurinë e koronavirusit në Shqipëri nuk është e nevojshme që të ketë masa kaq shtrënguese.
Sipas tij, qytetarët duhet të vazhdojnë të mbajnë maska dhe doreza, por nuk është e nevojshme për masa të tilla.
“Për kurbën në formë “M” të Shqipërisë, duhet pasur parasysh se ka pasur një infektim fillestar, ndoshta ka qenë edhe mundësia që ky infektim të jetë përcjellë në formë zinxhiri nga një moment në tjetrin, dhe pasi ka përfunduar, ka nisur një zinxhir tjetër, çka ka sjellë formën e kësaj kurbe.
Kjo pjesa e dytë e M-së ndodhet në kushte klimaterike të ndryshme, që janë të njëjta me ato që janë në jugun e Italisë. Prandaj do të jenë të nevojshme maskat dhe dorezat, dhe kjo duhet bërë në liri totale, pasi nuk është e nevojshme që të ketë masa kaq shtrënguese”, u shpreh epidemiologu italian.