Kryeministri Edi Rama, i ftuar në emisionin e mëngjesit në “ABC News” me Enkel Demin, ka folur gjithashtu edhe në lidhje me normalitetin e ri, pas koronavirusit.
I pyetur nëse ka gjasa që karantina të zgjasë deri në vigjilje të zgjedhjeve të ardhshme, Rama u shpreh se nuk do të ketë një normalitet si ai para vitit 2019 deri në krijimin e një vaksinë.
Edi Rama: Nuk ka gjasa të jetojmë si normalisht derisa të dalë vaksina. Deri atëherë ky armik i padukshem do të jetë mes nesh. Duhet te adoptojmë një sjellje të ndryshme nga ajo e para. Por nuk a gjasë të vazhdojmë me masa shtrënguese deri kur të dalë vaksina. Duhet që secili prej nesh të jetë roja i vetvetes. Do të jetë një normalitet i ri.
Ndërsa, i pyetur nëse do të kemi një vaksinë së shpejti, Rama sërish u shpreh se nuk preferon t’ju hyjë këtyre temave.
Gazetari Enkel Demi i drejtohet kryeministrit duke e pyetur se çfarë ndodhte nëse “ai ishte dezertor dhe nuk merrte pjesë në luftën e tij”.
Në lidhje me këtë Rama tha se kjo nuk ishte lufta e tij, por lufta e njerëzimit për të mbrojtur veten.
Pjesë nga biseda:
Enkel Demi: Jemi akoma në luftë?
Edi Rama: Derisa të dalë vaksina
Enkel Demi: Nëse unë jam dezertor nuk marr pjesë te lufta juaj ka ndonjë problem?
Edi Rama: Kjo nuk është lufta ime, kjo është lufta e njerëzimit për të mbrojtur veten nga një rrezik që siç ekemi parë mund të kthehet në një tragjedi kombëtare. /abcnews.al
