Policia e Dibrës ka arrestuar një 25-vjeçar ditën e sotme i cili ishte në kërkim për armëmbajtje pa leje.
Në pranga ra shtetasi Mevlud Kullani, banues në Peshkopi.
Sipas burimjeve të policisë, bëhet me dije se shtetasi ka qenë në kërkim për veprën penale “Mbajtja pa leje dhe prodhimi i armëve, armëve shpërthyese dhe municionit” dhe sipas tyre, ka marrë dënimin nga Gjykata e Dibrës me 2 vjet e 8 muaj burg.
“Ky shtetas ka qenë i shpallur në kërkim ndërkombëtar për veprën penale “Mbajtja pa leje dhe prodhimi i armëve, armëve shpërthyese dhe municionit”, dhe është dënuar nga Gjykata e Rrethit Gjyqësor Dibër me 2 vjet e 8 muaj burg”.
Së fundmi, materialet procedurale i kaluan Prokurorisë Dibër për veprime të mëtejshme.
