Një 43 vjeçar i ka shpëtuar atentatit për herë të dytë. Aleksandër Deda, i ka shpëtuar mbrëmjen e sotme një atentati në qytetin e Lezhës. Për fat të mirë ky i fundit ka shpëtuar pa marrë asnjë lëndim. Persona ende të paidentifikuar kanë qëlluar me breshëri plumbash drejt makinës brenda të cilës ndodhej Deda.
Mësohet se ky është atentati i dytë që organizohet ndaj 43-vjeçarit, pasi në dhjetor të vitit 2020 ai u plagos me armë. Konkretisht, mbrëmjen e 1 dhjetorit 2020, Deda është qëlluar me breshëri automatiku, e si pasojë mori 3 plumba në trup, por shpëtoi.
Në atë kohë u raportua se shkak për atentatin ishte bërë një konflikt 43-vjeçarit, Aleksandër Deda dhe një ish-deputeti të Partisë Socialiste në Lezhë. Deda rezulton i dënuar në Itali. Ai, bashkë me të vëllanë, Bledar Deda, janë hetuar për pastrim parash. Prokuroria u ka sekuestruar një sipërfaqe të konsiderueshme toke prej 1146.6 m2 në qendër të Lezhës.
Policia ka nisur krehjen e zonës dhe ka shoqëruar disa persona.
