Kosova është e para e grupit A me 8 pikë. Po, po është e para dhe me meritë të plotë. Sepse sot ka nënshtruar me shumë klas dhe spektakël edhe Çekinë në “Fadil Vokrri” duke fituar me rezultatin 2-1.
Patrik Shik i bëri miqtë të ëndërronin kur shënoi në minutën e 16-të, por “Dardanët” kanë kaq shumë klas dhe dëshirë për të fituar saqë vështirë t’i përballojnë edhe skuadrat më të mëdha të kontinentit.
Muriqi në minutën e 20-të dhe më pas Vojvoda në minutën e 66-të vulosën një sukses madhësthor të skuadrës së drejtuar nga Shaland. Një fitore e jashtëzakonshme që frymëzon mbarë shqiptarët.
