Kryetari i Partisë Demokratike, Lulzim Basha ka deklaruar se pasoja më tronditëse e “aleancës së Edi Ramës me krimin”, është emigrimi i më shumë së 100 mijë të rinjve gjatë qeverisjes së tij.
Nga Elbasani Basha u shpreh se duke patur prioritet pasurimin e krimit, Edi Rama ka vrarë shpresën e rinisë për të ndërtuar të ardhmen në Shqipëri.
Basha tha se aksioni opozitar që nis më 27 janar me protestën nuk bëhet për interes të ngushtë politik, por për t’i dhënë vendit një qeveri të dalë nga zgjedhje të lira e të ndershme, që punon dhe jep llogari para qytetarëve.
“Ajo që kërkojmë me 27 janar, nuk është për veten tonë, jo, nuk është për të bërë Lulzim Bashën kryeministër. Unë nuk dua të jem një kryeministër i ardhur nga protesta. Unë dua të jem një kryeministër i ardhur nga vota e qytetarëve shqiptarë, bazuar në programin tonë, në zgjidhjet tonë, në vizionin tonë, në vlerat tona”, tha Basha.
