“Shakohoxha, çfarë ishte ai flamur, që valëvitej te ai minihelikopter?”
“Ai ishte flamuri më i bukur në botë Alban!”
Është ky një nga dialogjet më të bukura që ka ndezur zemrën e çdo shqiptari atë natë kur flamuri shqiptar u valëvit mbi Serbi nga Ballist Morina.
Dritan Shakohoxha, autor i një prej shprehjeve më të popullurizuara për shqiptarët, ja përshtat këto rreshta Ballistit të rrezikuar nga ekstradimi në Serbi.
Për të theksuar tragjicitetin e situatës si dhe për të dëshmuar pafuqinë e tij për të bërë diçka, Shakohoxha sjell në vëmendje vargjet e poetit të madh të mjerimit, Migjenit.
…Oh, si nuk kam një grusht të fortë…
“Ky është shqiptari më i braktisur në botë Alban. Një gjykatë kroate ka marrë vendim ta ekstradojë në Serbi. Jetën nuk ja përmirësuam dot, por të paktën t’ia shpëtojmë. Oh, si nuk kam një grusht të fortë t’i bij mu në zemër malit që s’bëzanë”, ka shkruar Shakohoxha në një postim në Instagram.
