Ministri i Financave, Arben Ahmetaj, ka raportuar në Komisionin parlamentar të Ekonomisë në lidhje me rishikimin e buxhetit të vitit 2016.
Ministri i Financave, Arben Ahmetaj, tha se me rishikimin e buxhetit nuk do të ketë rritje të borxhit publik.
“Me rishikimin e buxhetit synojmë më shumë investime publike dhe shlyerjen e detyrimeve të prapambetura, nuk do të ketë rritje të borxhit publik. Sa u takon të ardhurave nga privatizimi i INSIG, 2.2 mld lekë do të jenë për uljen e borxhit. 1.1 mld lekë do të jenë investime në transportin rrugor.
Ministri bëri edhe një panoramë të ecurisë së ekonomisë gjatë vitit 2015. Sipas tij, rritja ekonomike u regjistrua në rreth 3%.
Ndërsa, shkalla e papunësisë sipas tij, është ulur gjatë tremujorit të parë 2016 ndërsa konsumi u rrit.
/monitor.al/
