E vlerësuar nga Shoqata Patriotike “Çamëria”, Edita Tahiri ka vënë theksin se Kosova ka qenë një Çamëri, por tani del si detyrë për zgjedhjen e Çështjes Kombëtare riatdhesimi i shqiptarëve në Çamëri. Ajo ka shtuar se duhet t’i prijmë proceseve që të ndryshojmë marrëdhëniet ndërkombëtare, ndërsa ne shqiptarët kudo që jemi i detyrohemi Çështjes Çame.
“Kur u zgjodha ministre e Jashtme e Kosovës, Çamërinë e kisha në dorë dhe i kisha dhënë dorën, sepse Kosova vuante si Çamëria. Në të gjitha takimet e mia ka qenë e pamundur të mos ndërkombëtarizoj çështjen shqiptare dhe pika ku thika e armikut na ka therë më shumë është Çamëria.
Zoti Idrizi përmendi pazaret e Ramës këtu, atje janë të Hashim Thaçit, por edhe Rama gjeti me hy në ato pazare. Por, po ju siguroj se nuk ka njeri të prekë kufijtë e Kosovës se janë larë me gjak. Ashtu siç po zotohem për Kosovën, po zotohem për Çamërinë.
Nuk mjafton një individ, po ndërtojmë mekanizma gjithëkombëtare, sepse duhet të shpejtojmë procesin e zgjidhjes së drejtë të Çështjes Çame. Kur them çame më vjen gjithmonë të them shqiptarët e Çamërisë, sepse nuk pajtohem që po na thonë kosovarë dhe as çamë; shqiptarët e Kosovës. Çmimi është vetëm inkurajim për mua. Mbetem e përkushtuar për Çështjen Çame, ka ecur, është ndërkombëtarizuar. Fakti që edhe në senat është përmendur nga Hilari Klinton…”, tha Edita Tahiri.
https://www.facebook.com/pdiu.al/videos/521130991627741/?epa=SEARCH_BOX
