Kreu i Partisë së Lirisë ka publikuar pak më parë një video ku thekson se kryeministri Edi Rama çdo ditë e më shumë po censuron mediat. Këtë video ai e ka publikuar në rrjetin social Facebook ku mbi të shkruan se Rama është armik i fjalës së lirë dhe më këtë rrugë ai po bën vend vetes në humnerë.
“Edi Rama është armiku kryesor i lirisë së çdo qytetari shqiptar. Është armik i votës së lirë, pluralizmit, demokracisë, shtetit ligjor dhe i barazisë para ligjit. Është armik i fjalës së lirë dhe i pavarësisë së medias. Për të nuk ka rrugë shpëtimi! Fundin e humnerës e ka zgjedhur vet”, shkruan ai.
Çdo ditë Partia e Lirisë zhvillon konferenca me mediat ku publikon akuza të forta ndaj qeverisë dhe paralajmëron se me shtatorin nisin dhe protestat.
