Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Edi, kush do i paguajë 140 milionë eurot?

Nga 27.al 0

Nga Dritan Kaba

Broçkulliti sot një orë. Ka një javë, që si majmuni hidhet degë më degë. Sot fatkeqësinë për të dëgjuar fjalimet bajate, plot ditirambe, për të fshehur një tjetër korrupsion e kishin mjekët.

Mësonte profesorët e nderuar të mjekësisë, mjekët plot përvoje dhe dije, si duhej të studionin. I bëri me baltë, i ofendoi, i vuri në dyshim punën shumë vjeçare të tyre. Dhe kush?! Ky, që në jetë deri tek aritmetika ka shkuar, mbledhje, heqje, shumëzim dhe pjestim. Injoroi dijet e profesorëve që botojnë tek revistat më prestigjoze të fushës së mjekësisë. I nëpërkëmbi sakrificat e tyre. Ky nihilist i klasit të parë. Ky injorant në kuptimin e plotë të fjalës.

Ky shkatërrues i shëndetësisë me PPP më korruptive në glob. Ky njeri që shet moral dhe blen kriminelë. Dhe bashkë me kriminelët dhe oligarkët shkatërrojnë themelet e demokracisë duke blerë votat, intimiduar dhe kërcënuar qytetarët.

Foli e foli, por ende një gjë nuk e ka artikuluar kush do paguajë 140 milionë eurot e humbura nga arroganca e tij. Nga fobia ndaj mediave, që nuk i kap dot. Nga urrejtja e tij për çdo liri qytetare. Nga shërbimi i tij në favor të mediave shërbetore të tij.

Edi Rama lëri fjalët, broçkullat, mashtrimet, “mësimet”, kërcënimet dhe fyerjet, por shpjegoju kush do i paguajë dëmet që i solle shqiptarëve. Kjo faturë prej miliarda lekësh është vetëm e para.

Vetëm me këtë shumë mund të kishte ilaçe falas, për pensionistët e pamundur, plot 8 vjet.

Vetem me ato para mund të ndërtoheshin dy spitale si ai i Nënë Terezës, në Tiranë.

Vetëm me këto para mund të shpëtoheshin jetët e fëmijëve me leucemi, që Rilindja jote as ilaçe për mbi jetesë nuk i siguron dot.

Vetëm me ato para do sigurohej mjekimi i të sëmurëve me kancer, që enden korridoreve të spitaleve pa marrë dot mjekim.

Mund të vazhdoja edhe më gjatë me listën e atyre që kane humbur shqiptarët nga veprimet e qëllimta të Ramës, por sot u ndala vetëm në fushën e mjekësisë.

Edi Rama lëre logorene, por thuaji shqiptarëve kush do e paguajë dëmin tënd prej 180 miliard lekësh!

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej