Parashikimet e ecurisë së lekut në raport me dollarin dhe euron
Dobësim i lekut në raport me dollarin dhe një qëndrim stabël në raport me euron. Ly është parashikimi i The Economist për vitin 2016. Në një raport të fundit të përpiluar nga Intelligence Unit, pjesë e kësaj revistë bëhen parashikime si për ecurinë e monedhave ashtu edhe për ekonominë shqiptare në përgjithësi. Sipas raportit gjatë 2016 monedha vendase lek parashikohet se do të dobësohet më tej përkrah dollarit amerikan, duke u ndjekur nga një rritje e normave të interesit në SHBA. Ndërsa raporti i këmbimit të i lekut ndaj euros do të mbetet stabël, mbështetur nga një rritje relativisht e lartë e normave të interesit të monedhës vendase, si dhe një rritje të remitancave të dërguara nga shqiptarët që punojnë jashtë. Sipas ekspertëve të The Economist, konsolidimi fiskal është prioritet për qeverinë, teksa ajo po përpiqet të ulë deficitin buxhetor të rritur nga zgjedhjet e vitit 2013 dhe shlyerjet e borxheve të prapambetura.
