Bllokim i aksioneve edhe për kompaninë mëmë
Bankat kanë nisur kërkesat për sekuestrimin e aksioneve të “Kurum International Kompania, që shpalli falimentin për efekt ristrukturimi në shkurt. Shoqëria e përmbarimit TDR Group ka depozituar në QKR kërkesën për vendosjen e masës së sekuestros konservative mbi të gjitha aksionet e zotëruara nga Shoqeria “Kurum International” për llogari të NBG Bank. Bëhet fjalë për një kontratë kredie bankare të lidhur në tetor të vitit të kaluar. Në kushtet e vështirësive financiare Kurum ka vijuar të marrë kredi dhe në muajt e fundit të aktivitetit. Përmbaruesi në në emër të bankës ka kërkuar që ndaj debitorit Kurum International dhe dorëzanësve Hasmet Debii Kurum dhe Kurum Holding SA duhen kryer në mënyrë të menjëhershme të gjitha veprimet proceduriale të cilat bëjnë të mundur ekzekutimin e detyrimit. Në fund të shkurtit 2016, Kurum kërkoi falimentin në Gjykatën e Tiranës, nga e cila këto ditë pritete të merret një vendim.
