“Ne jemi këtu, po ngremë zërin sepse ju e keni mendjen tek celularët”…Ka qenë kjo thirrja e disa vogëlushëve gjermanë, të cilët me pankarta në duar dhe brohorima kanë protestuar kundër prindërve të tyre, më saktë kundër celularëve që po i largojnë nga prindërit.
Protesta në rrugët e Hamburgut, kishte një lider, Emilin 7-vjeçar. “Shpresoj që pas kësaj proteste njerëzit të gjejnë më tepër kohë për fëmijët dhe më pak për celularët”, ka deklaruar vogëlushi.
Koha e madhe që prindërit kalojnë me celularët ndikon negativisht në socializimin e fëmijëve, duke sjellë gjithnjë e më tepër fëmijë të izoluar që gjithashtu janë të prirur të jenë të dedikuar ndaj teknologjisë.
“Luaj me mua, jo me celularin tënd”, është kjo thirrja që këta fëmijë kanë bërë për të rriturit që i kanë sjellë në botë, mesazh që duhet të trishtojë dhe ndërgjegjësojë çdo prind që nga telefoni i tij po lexon për këtë protestë.
https://www.facebook.com/lorna.wilson.792/videos/10158220980906980/
