Mbrëmjen e djeshme një ngjarje e rëndë ka tronditur qytetin e Prizrenit pasi një 61 vjeçar ka vrarë me armë zjarri gruan e tij.
Policia raporton se ngjarja ka ndodhur pas orës 23:00 në rrugën ‘Hysni Morina’, të Prizrenit. Policia ka bërë të mundur kapjen e autorit të dyshuar B.V i lindur në vitin 1958.
Ekipet policore të hetimeve për krim teknika në vendin e ngjarjes kanë gjetur viktimën,15 gëzhoja të kalibrit 9 mm, një armë të tipit revole ZIG M1 si dhe 42 fishekë të kësaj armë. Dyshohet se me të njëjtën armë i dyshimti ka kryer veprën penale të “vrasjes së rëndë”.
