Një ngjarje e rëndë është shënua në Itali. Burime bëjnë me dije se një çift është gjetur i pajetë në banesë në zonën e Fossalta di Portogruaro (Venecia).
Paraprakisht dyshohet se burri mbyti gruan e tij dhe më pas vrau veten duke prerë fytin me një thikë.
Dëshmia e një mbese, e cila dyshohet se ka qenë dëshmitare e skenës, është thelbësore për rindërtimin e ngjarjes. Nga informacionet e para, çifti nuk kishte shfaqur më herët shenja mosmarrëveshjeje.
Viktima është Lorena Puppo, 50 vjeçe nga Stiago di Fossalta e cila punonte në një kompani pastrimi. Ndërsa bashkëshorti që e vrau, Giuseppe Santarosa, ishte 55 vjeç dhe punonte në një institut sigurie, në portierin e San Marco Gas në Noiari di Portogruaro.
Ai nuk posedonte asnjë armë – raporton gazeta Il Gazzettino – dhe në fakt në shtëpinë e bashkëshortëve nuk u gjet asnjë armë.
