Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

E quajnë “hero” në Itali, i riu shqiptar ndihmon të moshuarit në hotelin e izoluar nga koronavirusi

Nga 27.al 0

Në itali koronavirusi është përhapur me ritme shumë të shpejta dhe ka marrë 21 jetë njerëzish.Ndërkohë që në këto situata tmerri dhe paniku shfaqen shumë histori solidariteti, së fundmi është një i ri shqiptar që ka prekur jo pak me gjestin e tij.

Në rajonin verior të Liguria, Albi Albino një kamarier në hotelin Bel Sit, në Alassio, që u fut në karantinë për shkak se u infektua nga një kliente 72-vjeçare që ishte koronavirus, po qëndron çdo ditë në shërbim të moshuarve që janë brenda hotelit.

Solidariteti dhe bujaria e një të riu shqiptar si Albi, ka prekur edhe kreun e Rajonit të Ligurias, Giovanni Toti, i cili përmes një postimi në rrjetet sociale, ka shkruar për të dhe e ka falenderuar për ndihmën që po jep.

“Ai është Albi Albino, një djalë shqiptar që po ndihmon aty ku ka më shumë nevojë, në hotelin e Alassios. Nga kamarier ka zgjedhur që të bëhet ndihmës dhe mbi të gjitha mik i shumë njerëzve që janë detyruar të qëndrojnë në karantinë, një pikë referimi në këtë moment delikat. Një falenderim i veçantë shkon për këtë djalë që ka treguar forcë, guxim dhe vendosmëri tipike të vendasve. Faleminderit Albi, do të mundohemi që të marrësh shtetësinë italiane që aq shumë e dëshiron. Sepse ti je njëri prej nesh”.-ka shkruar Giovanni Toti.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej