Një rast i pazakontë ka ndodhur ditën e sotme në Greqi. Lidhur me ngjarjen bëhet me dije se një 10-vjeçar është arrestuar në Lesbos me akuzën e zjarrvënies me dashje.
Sipas ANT1, 10-vjeçari ka pranuar se i ka vënë flakën dy pemëve në zonën e Agia Kyriaki.
Megjithatë edhe më tronditëse dhe shokuese është përgjigjja e tij kur është pyetur nga policia se pse i ka vënë zjarrin pemëve.
“Sepse më pëlqen të shoh zjarrfikësit që i shuajnë”, është përgjigjur ai.
Hetimet po vijojnë, ndërsa rastin e ka marrë përsipër Prokuroria për të Mitur.
