Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

E pazakontë/ Fëmija vetëm 9 vjeç akuzohet për vrasje të pesëfishtë në SHBA

Nga Ejona 0

Vetëm 9 vjeç dhe akuzohet për vrasjen e pesë personave.

Historia e pazakontë e fëmijës nga Shtetet e Bashkuara të Amerikës ka tronditur mbarë mediat.

Ai akuzohet për vrasje të shkallës së parë të tre fëmijëve dhe dy personave të rritur për shkak të një zjarri që kishte shpërthyer në një park në Illinois.

Autoritetet sqarojnë se përveç akuzave për vrasje, ky fëmijë është tashmë i akuzuar edhe për zjarrvënie të qëllimshme.

Një fëmijë një vjeç, dy fëmijë dy vjeç, një burrë 34 vjeç dhe një grua 69 vjeçe kishin vdekur nga zjarri në parkun për shtëpi të lëvizshme afër fshatit Goodfield, i cili shtrihet rreth 240 kilometra në veriperëndim të Çikagos. Ngjarja tragjike kishte ndodhur më 6 prill të këtij viti.

“Ky ishte një vendim i vështirë. Është tragjedi, por në fund të ditës, po e akuzojmë një person shumë të ri me njërën nga akuzat më të rënda që kemi. Sidoqoftë, mendoj se kjo duhet të bëhet në këtë fazë në mënyrë që rasti të përmbyllet”, tha prokurori Minger.

“The Guardian” shkruan se sipas një avokati mbrojtës, sfida më e madhe e prokurorëve do të jetë dëshmimi i qëllimit paraprak të fëmijës për vrasje, gjë që kërkohet në rastet e vrasjes së shkallës së parë.

“Fëmijët nëntë vjeç nuk e dinë që babadimri nuk ekziston. Nuk e di nëse fëmijët e kësaj moshe mund të bëjnë plane për vrasje”, shprehet avokati.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej