Joana Duro, Sekretarja e Përgjithshme e Ministrisë së Shëndetësisë, dhe Laura Shteto, specialiste te zyra e prokurorimeve tek i njëjti institucion, janë arrestuar me urdhër të SPAK në kushtet e flagrancës.
SPAK shprehet se operacioni vazhdon, ndërsa arrestimi i zyrtares së lartë të Ministrisë së Shëndetësisë, u njoftua nga Kryeministri Edi Rama, gjatë një takimi që zhvillonte në Tiranë, në kuadrin e atij që e konsideron si “turi i falenderimeve”.
Bazuar te informacionet jo-zyrtare, SPAK ka firmosur disa urdhër-arresti lidhur me korrupsionin në Ministrinë e Shëndetësisë, edhe pse nuk dihen detaje. Hetimet ndaj Duros dhe zyrtarëve të tjerë të Shëndetësisë kanë nisur prej kohësh, ndërsa nuk dihet sepse operacioni u finalizua sot, edhe pse nga informacionet e publikuara, duket se SPAK ka pritur të kryejë arrestimin në kushte flagrance, duke qenë se raportohet për sekuestrimin e një shume prej 4 mln lekë.
Në mes të një fjalimi të gjatë, Rama zgjodhi të jepte lajmin e arrestimit të zyrtares, ndërkohë që deri në këtë moment nuk kishte asnjë njoftim apo publikim në media.
Pak minuta pas deklaratës së Ramës, pothuajse në të gjitha mediat u njoftua arrestimi i Sekretares së Përgjithshëm të MSH, dikaster që drejtohet nga Ogerta Manastirliu, por edhe i specialistes në të njëjtin institucion. Nuk dihet nëse lajmi do të “merrte dhenë” nëse nga salla ku Rama kishte mbledhur mbështetës të PS-së, do të deklaronte arrestimin e një sekretare të përgjithshme, sikundër u shpreh ai, e cila ishte kapur duke marrë para.
Bazuar në publikimet e deritanishme arrestimet kanë të bëjnë me korrupsionin, ndërsa raportohet se në momentin final, është sekuestruar edhe një shumë prej 4 mln lekësh. Gjithsesi zyrtarisht SPAK nuk ka nxjerrë asnjë informacion për arrestimet.
Po kështu, referuar burimeve mediatike, thuhet se gjithçka ka lidhje me një tender me një vlerë prej 2 mln euro, por pa specifikuar se për çfarë tenderi bëhet fjalë.
Emri i Duros nuk është i panjohur për media. Pak kohë më parë, Duro është gjobitur nga kreu i KQZ-së, Ilirjan Celibashi pasi ajo kishte shkelur kodin zgjedhor.
Joana Duro është edhe pjesë e pesëshesh së Sekretarëve të Përgjithshëm të Ministrive që u gjobitën nga KAS me kërkesë të Komisionerit të Zgjedhjeve Celibashi, për lobime gjatë fushatës së zgjedhjeve të 14 majit në mbështetje të kandidatëve të caktuar të socialistëve për kryebashkiakë, përmes propagandës në rrjetet sociale zyrtare
Joana Duro, Sekretarja e Përgjithshme e Ministrisë së Shëndetësisë, dhe Laura Shteto, specialiste te zyra e prokurorimeve tek i njëjti institucion, janë arrestuar me urdhër të SPAK në kushtet e flagrancës.
SPAK shprehet se operacioni vazhdon, ndërsa arrestimi i zyrtares së lartë të Ministrisë së Shëndetësisë, u njoftua nga Kryeministri Edi Rama, gjatë një takimi që zhvillonte në Tiranë, në kuadrin e atij që e konsideron si “turi i falenderimeve”.
Bazuar te informacionet jo-zyrtare, SPAK ka firmosur disa urdhër-arresti lidhur me korrupsionin në Ministrinë e Shëndetësisë, edhe pse nuk dihen detaje. Hetimet ndaj Duros dhe zyrtarëve të tjerë të Shëndetësisë kanë nisur prej kohësh, ndërsa nuk dihet sepse operacioni u finalizua sot, edhe pse nga informacionet e publikuara, duket se SPAK ka pritur të kryejë arrestimin në kushte flagrance, duke qenë se raportohet për sekuestrimin e një shume prej 4 mln lekë.
Në mes të një fjalimi të gjatë, Rama zgjodhi të jepte lajmin e arrestimit të zyrtares, ndërkohë që deri në këtë moment nuk kishte asnjë njoftim apo publikim në media.
Pak minuta pas deklaratës së Ramës, pothuajse në të gjitha mediat u njoftua arrestimi i Sekretares së Përgjithshëm të MSH, dikaster që drejtohet nga Ogerta Manastirliu, por edhe i specialistes në të njëjtin institucion. Nuk dihet nëse lajmi do të “merrte dhenë” nëse nga salla ku Rama kishte mbledhur mbështetës të PS-së, do të deklaronte arrestimin e një sekretare të përgjithshme, sikundër u shpreh ai, e cila ishte kapur duke marrë para.
Bazuar në publikimet e deritanishme arrestimet kanë të bëjnë me korrupsionin, ndërsa raportohet se në momentin final, është sekuestruar edhe një shumë prej 4 mln lekësh. Gjithsesi zyrtarisht SPAK nuk ka nxjerrë asnjë informacion për arrestimet.
Po kështu, referuar burimeve mediatike, thuhet se gjithçka ka lidhje me një tender me një vlerë prej 2 mln euro, por pa specifikuar se për çfarë tenderi bëhet fjalë.
Emri i Duros nuk është i panjohur për media. Pak kohë më parë, Duro është gjobitur nga kreu i KQZ-së, Ilirjan Celibashi pasi ajo kishte shkelur kodin zgjedhor.
Joana Duro është edhe pjesë e pesëshesh së Sekretarëve të Përgjithshëm të Ministrive që u gjobitën nga KAS me kërkesë të Komisionerit të Zgjedhjeve Celibashi, për lobime gjatë fushatës së zgjedhjeve të 14 majit në mbështetje të kandidatëve të caktuar të socialistëve për kryebashkiakë, përmes propagandës në rrjetet sociale zyrtare
