Kryeministri Edi Rama gjatë vizitës në familjen e Hashim Thaçit në Kosova u ka treguar atyre për gjendjen e ish-Presidentit, i cili ndodhet në paraburgim në Hagë. Rama thotë se shkoi ta takonte, pasi e kishte marrë malli, madje theksoi se e konsideron si vëlla.
“Isha tek Hashimi e vizitova. Mu duk shumë mirë, jeni të fortë ju, të ka ngjarë ty. Ai tha me shëndet jam mirë, por dhe me humor ishte mirë, lexonte shumë, bënte stërvitje” – i tha Rama babait të Hashim Thacit.
Në një moment Rama tregoi se në formularin që do plotësonte duhet të jepte edhe arsyen e vizitës së tij, ndërsa tha: Aty ishte një pikë ku thuhej; arsyeja e vizitës; unë shënova: “Më ka marrë malli, e kam si vella.”, tha kryeministri Rama.
