Pas denoncimit në parlament ku tha se Rama e ka kërcënuar, deputeti Kujtim Gjuzi ka publikuar mesazhet që kryeministri i ka dërguar gjatë orëve të natës.
Siç shihet edhe nga fotot, kreu i qeverisë i kërkonte që të mos vinte në Kuvend pa veshur kostum ndryshe do ta nxirrte jashtë.
“E fundit që të shoh të veshur si pederast në parlament. Herën tjetër do të nxjerr zvarrë,
Mos tall ndenjësen me ty dhe mos ço mesazhe të tilla se është turp për një goxha burrë me mustaqe si puna jote të bëjë palaçon kur shkruan”, i shkruan Rama, Gjuzit.
Deputeti i Kuvendit, Kujtim Gjuzi tha për Report Tv se ka bërë edhe një kallëzim penal për rastin në fjalë ndaj Ramës.
Sipas Gjuzit nëse mesazhet nuk janë ashtu sikundër ai i ka publikuar atëherë do të jetë i gatshëm të japë dorëheqjen nga mandati i deputetit.
