Dyfishohen rastet me COVID në vend, 3 humbje jete në 24 orët e fundit

Janë dyfishuar raste me COVID në 24 orët e fundit në vendin tonë. Ministria e Shëndetësisë raporton se nga 2503 testime të kryera kanë rezultuar pozitivë 466 qytetarë, ndërsa ditën e djeshme ishin 228 raste pozitive. Betejën me COVID e kanë humbur 3 qytetarë.

“Me gjithë përpjekjet e mjekëve, në 24 orët e fundit ka 3 humbje jete me Sars-Cov2 pozitiv: një qytetare nga Durrësi 75 vjeçe, një qytetar nga Kruja 81 vjeç, një qytetar nga Berati 85 vjeç”, thuhet në njoftimin e ministrisë.

Rastet pozitive me COVID janë identifikuar në këto bashki: 186 në Tiranë, 33 në Fier, 25 në Shkodër, nga 20 qytetarë në Durrës, Elbasan, 18 në Lushnje, 16 në Vlorë, 14 në Kavajë, 10 në Vorë, nga 9 qytetarë në Kamëz, Tepelenë, 8 në Korçë, nga 7 qytetarë në Skrapar, Sarandë, nga 6 qytetarë në Lezhë, Patos, Përmet, Gramsh, nga 5 qytetarë në Kuçovë, Gjirokasër, Mallakastër, Krujë, Kurbin, 4 në Bulqizë, nga 3 qytetarë në Devoll, Berat, nga 2 qytetarë në Belsh, Memaliaj, Divjakë, Roskovec, Mat, Shijak, Kukës, nga 1 qytetar në Pukë, Fushë Arrëz, Has, Tropojë, Rrogozhinë, Selenicë, Himarë, Delvinë, Pogradec, Poliçan, Peqin.

Manchester United në zonën Champions, mundin Newcastle në “Boxing Day”

Dua të kualifikohemi, Shqipëria rival i komplikuar, nuk do të jetë e lehtë –

Balluku të jepte dorëheqjen ose të shkarkohej menjëherë –

Çdo ndeshje vendoset nga detajet, Polonia do të jetë kyçe –

Në të gjithë vendin janë 6633 pacientë aktivë me COVID. Aktualisht në spitalet COVID po marrin trajtim 142 pacientë, nga të cilët 14 janë në gjendje më të rënduar. Janë shëruar 524 qytetarë gjatë 24 orëve të fundit, duke e çuar numrin e të shëruarve në 190,902 që nga fillimi i epidemisë. Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve.

“Çdo qytetar mbi 16 vjeç, mund të vaksinohet në qendrën shëndetësore ose në pikën më të afërt të vaksinimit të përqëndruar. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet. Vaksinimi është i hapur edhe për fëmijët +12 vjeç me probleme të sistemit imunitar, me rekomandim nga mjeku. Gjithashtu ka nisur vaksinimi me dozën e tretë, sipas rekomandimit të mjekut të familjes. Nëse dyshoni se jeni i prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar ose telefononi Urgjencën Kombëtare në numrin unik 127“, apelon ministria.

Statistika (2 Dhjetor 2021)

Raste të reja ditore 466

Të shëruar në 24 orë 524
Të shtruar në spitale 142
Humbje jete në 24 orë 3
Testime ditore 2503

Testime totale 1,398,152
Raste pozitive 200,639
Raste të shëruara 190,902
Raste Aktive 6,633
Humbje jete 3,104Shpërndarja gjeografike e rasteve aktive sipas qarqeve:

Tiranë 3346
Fier 673
Gjirokastër 529
Shkodër 473
Berat 370
Durrës 346
Elbasan 295
Vlorë 204
Lezhë 142
Korçë 141
Dibër 69
Kukës 45