Fotografia që dëshmon edhe një herë bashkëpunimin e shtetit grek me nazi-fashistët.
Studiuesi, Arben Llalla, ka publikuar fotografi, ku shfaqen dy oficerë të lartë, gjermani Altenburg dhe italiani Gizi, duke dalë pas takimin me kryeministrin grek kolaboracionist, Konstandin Logothetopulos, 1943, në Athinë. Siç duket në fotografi, Garda e Greqisë nderon dy oficerët e lartë nazi-fashistë. Në mesazhin e tij në facebook, Llalla shkruan: “Po kërkojmë prej kaq vitesh, nëse ka ndonjë çam bashkëpunëtor, por s’po gjejmë, të gjithë bashkëpunëtorët na dolën grekë me dëshmi dhe foto.”
Kjo fotografi e publikuar së fundmi nga studiuesi Llalla, dëshmon sërish bashkëpunimin e shtetit grek me forcat nazi-fashiste. Ndërkohë që Athina vazhdon të mbajë si akuzë të pavërtetuar atë për bashkëpunimin e popullsisë së Çamërisë me pushteuesit nazi-fashistë. Deri tani nuk ka asnjë dokument, fotografi apo provë tjetër që vërteton bashkëpunimin e Çamërisë me nazistët apo fashistët. Ndërkohë që me dhjetra dokumente e fotografi janë publikuar së fundmi edhe nga 27.al, të cilat janë dëshmi të pakundërshtueshme të bashkëpunimit të famëkeqit Napoleon Zerva dhe zyrtarëve të lartë të shtetit grek, me nazistët gjermanë.
