DW: Vjosa Osmani duket se ka siguruar votat e mjaftueshme për presidente

Duhet të lëçisni

Disa zona në Tiranë pa drita/ OSHEE njofton: Dy ditët e ardhshme do të ketë ndërprerje të energjisë

OSHEE ka njoftuar qytetarët se nesër dhe pasnesër do të ketë ndërprerje të energjisë elektrike për shkak të punimeve për mirëmbjatjen e kabinave. Sipas njoftimit...

A ka njerëz rezistentë ndaj Covid-19? Ja çfarë kanë zbuluar studiuesit

Studiuesit po kërkojnë në të gjithë botën për njerëz që mund të jenë rezistentë ndaj virusit SARS-CoV-2, i cili shkakton Covid-19. Në gjenet e disa...

Shqipëria regjistron 566 raste të reja me Covid dhe 6 humbje jete

COVID19/ Ministria e Shëndetësisë: 3677 testime, 566 qytetarë të infektuar, 6 humbje jete dhe 513 të shëruar në 24 orët e fundit Ministria e Shëndetësisë...

BE jo në të njëjtën linjë me SHBA? Soreca zbulon nëse do të bashkëpunojë apo jo me Sali Berishën

A do të bashkëpunojë BE dhe ambasadori i saj në Shqipëri, Luigi Soreca me ish-kryeminsitrin Sali Berisha, nëse ai rikthehet në krye të PD? Ambasadori...

Lidhja Demokratike e Kosovës vendosi të marrë pjesë në votimin për zgjedhjen e presidentit të ri të Kosovës. Vjosa Osmani duket se tani i ka siguruar votat e mjaftueshme për t’u zgjedhur presidente.

Ndonëse akoma nuk është caktuar data e mbajtjes së seancës parlamentare kur do të zgjidhet presidenti, si duket pretendentja për këtë post Vjosa Osmani, ka siguruar numrin e mjaftueshëm të pjesëmarrjes së deputetëve në këtë seancë. Kjo për faktin që Lidhja Demokratike e Kosovës, LDK, me kryetarin e ri të saj Lumir Abdixhiku, vendosën që të marrin pjesë në seancën parlamentare për zgjedhjen e presidentit.

Kryetari i LDK-së pas një takimi të kryesisë së partisë tha se partia që ai drejton “nuk do të paraqesë pengesa dhe do të ushtrojë detyrimin e saj kushtetues për të marrë pjesë në votimin e presidentit të vendit”, kurdo që mbahet seanca.

“Pas një diskutimi të hapur, shterues në argumente e gjithëpërfshirës, të gjithë, bashkarisht, kemi marrë vendim që Lidhja Demokratike e Kosovës nuk do të bëjë obstruksione në zgjedhjen e  presidentit të vendit. Që LDK, si gjithëherë, do të ushtrojë detyrimin e saj kushtetues, e të marrë pjesë në votim për presidentin e vendit. Ky pra është vendimi i kryesisë i votuar me shumicë absolute të anëtarëve të saj”, shkroi Abdixhiku në facebook.

Kosovo Wahlen Wahlkampf Vjosa Osmani

Zgjedhja e presidentit të ri të Kosovës duhet të ndodhë më së largu deri më 5 maj kur dhe skadon afati gjashtëmujor i ushtruesit të detyrës së presidentit. Lëvizja Vetëvendosje që në zgjedhjet e 14 shkurtit doli partia e parë ka siguruar 58 deputetë, ndërsa ka kandiduar zonjën Vjosa Osmani për presidente.

Votat e Vetëvendosjes së bashku me votat e pakicave jo serbe dhe 15 votat e LDK-së, mund t’ia sigurojnë zonjës Osmani kuorumin e mjaftueshëm përtej 80 deputetësh në mënyrë që ajo të zgjidhet presidente. Sipas Kushtetutës zgjedhja e presidentit kërkon në dy raundet e para të votimit dy të tretat e votave, ndërsa në raundin e tretë mund të zgjidhet me shumicën e thjeshtë prej 61 deputetësh, por në sallë duhet të jenë të pranishëm të paktën 80 deputetë.

Deutschland Kosovo Enver Hoxhaj in Berlin
Enver Hoxhaj

Dy partitë tjera shqiptare që tashmë janë në opozitë Partia Demokratike e Kosovës PDK dhe Aleanca për Ardhmërinë e Kosovës AAK, janë deklaruar se nuk do ta mbështesin Vjosa Osmanin për presidente. Udhëheqësi i Partisë Demokratike të Kosovës Enver Hoxhaj, (PDK) thotë se partia e tij është konsultuar për çështjen e presidentit dhe nuk do ta mbështesin Vjosa Osmanin. Edhe lideri i Aleancës për Ardhmërinë e Kosovës (AAK) Ramush Haradinaj thotë se partia e tij nuk dëshiron që “pushteti të koncentrohej në një parti të vetme”, prandaj në këtë mënyrë ai lë të kuptohet se nuk do ta mbështesin Vjosa Osmanin për presidente.

Të shmangen mundësitë e zgjedhjeve të reja

Ndërkohë, shumica nga përfaqësuesit e komuniteteve jo shumicë në Kosovë kanë shprehur mbështetjen e tyre për zgjedhjen e presidentit të ri të vendit. E përfaqësuesit e Listës Srpska, nuk kanë thënë qartë nëse do ta votojnë  presidentin e ri. Dështimi eventual i zgjedhjes së presidentit të Kosovës, automatikisht e çon vendin në zgjedhje të reja.

Premierminister Ramush Haradinaj Kosovo

Prania ndërkombëtare në Kosovë u ka bërë thirrje partive politike që të shmangin mundësinë që vendi të shkojë në zgjedhje të reja. Ambasadorët në Kosovë të vendeve më të industrializuara QUINT-it ditë më parë i kërkuan partive politike, atyre në pushtet dhe opozitë që të punojnë për prioritetet e përbashkëta, duke theksuar qartë se detyrë e parë është zgjedhja e presidentit të ri të Kosovës.

“Ambasadorët e Francës, Gjermanisë, Italisë, Mbretërisë së Bashkuar dhe Shteteve të Bashkuara të Amerikës urojnë qeverinë e re dhe Kuvendin dhe i nxitin të gjitha partitë politike të luajnë rol të përgjegjshëm në njohjen e rezultateve të zgjedhjeve të 14 shkurtit si mandat i dhënë nga populli për qeveri efektive. Në këtë kohë të pandemisë dhe sfidave ekonomike, Kosova ka nevojë për udhëheqësi të vendosur dhe institucione qeverisëse funksionale që sigurojnë stabilitet, përfshirë edhe presidencën. Adresimi i këtyre sfidave do të kërkojë që prijësit e partive politike dhe deputetët e zgjedhur tani t’i vënë nevojat e qytetarëve të Kosovës mbi çështjet partiake politike dhe që opozita dhe qeveria të punojnë për prioritetet e përbashkëta, e detyra e parë është zgjedhja e Presidentit të ri”, thuhej në deklaratën e përbashkët  të QUINT.

Niederlande Justiz l Kosovos Ex-Präsident Hashim Thaci in den Haag vor GerichtHashim Thaҫi në Gjykatën Speciale në Hagë

Që nga 5 nëntori i vitit të shkuar, Kosova është me ushtrues detyre të presidentit, pas dorëheqjes së Hashim Thaҫit i cili u akuzua për krime lufte nga Gjykata Speciale. Kompetencat e presidentit të Kosovës me ushtrues detyre mund të zgjasin vetëm gjashtë muaj, kur duhet të zgjidhet presidenti i ri. /DW

Më shumë shkrime

E Freskët taze

Disa zona në Tiranë pa drita/ OSHEE njofton: Dy ditët e ardhshme do të ketë ndërprerje të energjisë

OSHEE ka njoftuar qytetarët se nesër dhe pasnesër do të ketë ndërprerje të energjisë elektrike për shkak të punimeve për mirëmbjatjen e kabinave. Sipas njoftimit...

A ka njerëz rezistentë ndaj Covid-19? Ja çfarë kanë zbuluar studiuesit

Studiuesit po kërkojnë në të gjithë botën për njerëz që mund të jenë rezistentë ndaj virusit SARS-CoV-2, i cili shkakton Covid-19. Në gjenet e disa...

Shqipëria regjistron 566 raste të reja me Covid dhe 6 humbje jete

COVID19/ Ministria e Shëndetësisë: 3677 testime, 566 qytetarë të infektuar, 6 humbje jete dhe 513 të shëruar në 24 orët e fundit Ministria e Shëndetësisë...

BE jo në të njëjtën linjë me SHBA? Soreca zbulon nëse do të bashkëpunojë apo jo me Sali Berishën

A do të bashkëpunojë BE dhe ambasadori i saj në Shqipëri, Luigi Soreca me ish-kryeminsitrin Sali Berisha, nëse ai rikthehet në krye të PD? Ambasadori...

“Dhurata” e PD-së për Ramën vetting-u i politikanëve nga SPAK… Mesila Doda: Pse nuk ia varim ujkut mëlçitë në qafë?

Një ide marroke është ajo që propozon Partia Demokratike për vetting-un e politikanëve. Ligjvënësit çdo vit vetëdeklarohen në ILDKPI dhe në rast mospërputhje hetohen,...