Ekipi i ABC News është zhvendosur në lagjen 18 të Durrësit, aty ku një pallat 9 katësh i ndërtuar 6 vite më parë rrezikon të shembet. Gazetarja Ajgena Korbi dhe operatori guxuan të hyjnë në rrënojat e pallatit, ku banorët e kanë të pamundur të hyjnë brenda.
Banorët thonë që ka dëmtime të shumta. Specialistët e kanë nxjerrë të pabanueshëm, ndërsa ata e kanë të pamundur të marrin sendet personale dhe kanë thirrur një vinç për të nxjerrë sendet dhe orenditë.
Në këtë pallat jetojnë mbi 100 familje në dy hyrje. Policia e ka shpallur një zonë të pasigurt, drita nuk ka, ndërsa shkallët janë shkëputur fare dhe nuk ke nga futesh.
“Rrobat e trupit nuk i marrim dot se janë këputur shkallët, nuk i kemi parë asnjeri nga shteti as nga një vend”.
“Këta shpëtuan kokat po nuk kanë ku fusin kokën”.
“Këtu është shumë problem, Banoj në kat të dytë, paguaja të gjitha, u ktheva e gjeta shtëpinë të shkatërruar”.
“6 vite më parë është ndërtuar banorët kanë paguar siguracion për banesat”
“48 milionë me statusin e të pastrehit kam qenë. Më kanë nxjerrë jashtë i jam përgjigjur shtetit një më një” -, janë këto disa nga deklaratat e banorëve të këtij pallati.
Në Durrës 27 pallate janë nxjerrë si të pabanueshme nga specialistët.
