Një aksident i rëndë ka ndodhur rreth orës 18:40, në aksin rrugor Qerret-Durrës, ku një automjet me drejtues 37-vjeçarin me inicialet A. D., ka humbur kontrollin dhe ka përplasur 3 nxënës të një gjimnazi.
Si pasojë e përplasjes ka humbur jetën 18-vjeçarja Florjana Kolgjini, ndërsa motra e saj dhe një person tjetër ndodhen nën kujdesin e mjekëve në gjendje të rëndë.
Mësohet se të rinjtë sapo kanë zbritur nga fugoni i shkollës kur janë përplasur.
Grupi hetimor ndodhet në vendngjarje dhe po punon për sqarimin e rrethanave të aksidentit.
