Policia ka bërë të mundur kapjen e bandës së grabitjes së garburantve në Shijak mbrëmjen e së hënës, 9 janar 2016. Në pranga janë vënë dy shtetas dhe një tjetër është shpallur në kërkim.
Të arrestuarit janë: Klajdi Pupa 20 vjeç, banues në Durrës, i dënuar më parë për posedim të lëndëve narkotike; Flroian Thana 19 vjeç, banues në Durrës, i dënuar më parë për vjedhje, ndërsa personi i shpallur në kërkim është shtetasi B.K. 20 vjeç, banues në Durrës, i dënuar më parë për vjedhje.
Specialistët për Krimet në sajë të veprimeve hetimore kanë bërë të mundur dokumentimin e veprimtarisë kriminale, të kryer nga shtetasit e mësipërm, të cilët në bashkëpunim me njëri- tjetrin, në periudha të ndryshme kohore kanë vjedhur nën kërcënimin e armëve pika karburanti në autostradën Tiranë-Durrës, tek”Mbikalimi i Fllakës”, duke marrë shuma të ndryshme parash, konkretisht:
1.Më datë 12.12.2016, rreth orës 02:50, shtetasit e mësipërm dyshohen se nën kërcënimin e armës I kanë marrë xhiron ditore rojeve të një karburanti , në afërsi të mbiklaimit të Fllakës, rreth 150 000 – 200 000 lekë.
2.Më datë 09.01.2017, dyshohet se nën kërcënimin e armës dhe me maska kanë vjedhur dy karburante në të dy krahët e autostradës dhe më pas janë larguar me nje mjet tip Golf.
