Arrestohen dy persona nga Policia e Durrësit, të cilët vidhnin pjesë të ndryshme makinash. Shtetasit Artan Tabaku 22 vjeç dhe G.H 17 vjeç dyshohet se janë autorët e 10 grabitjeve.
Në kuadër të operacionit të koduar “Egnatia” u bë i mundur arrestimi i dy të rinjvë të cilët për një periudhë disa mujore kanë vjedhur pjesë të ndryshme makinash.
Në cilësinë e provave materiale janë sekuestruar pjesë të ndryshme të vjedhura në automjete si dhe mjetet e kryerjes së veprës penale.
Materialet I kaluan Prokurorisë së Rrethit Gjyqësor Durrës për veprime të mëtejshme për veprën penale ” Vjedhja ” në bashkëpunim parashikuar në nenin 134 / 2 të Kodit Penal.
Vjedhjet të cilat dyshohet se janë kryer nga dy te arrestuarit:
1-Më datë 16.04.2016, në lagjen Nr.13, Durrës kanë vjedhur pasqyrat anësore të mjetit tip Benz, në pronësi të shtetasit A.I. 39 vjeç, banues në Prizren.
2-Më datë 20.04.2016, në lagjen Nr.3, Durrës kanë thyer xhamin e trekëndëshit të derës së pasme dhe kanë vjedhur dy pasqyra të mjetit tip Benz, në pronësi të shtetasit I.B. 27 vjeç, banues në Durrës.
3-Më datë 30.04.2016, në lagjen Nr.13, Durrës kanë thyer xhamin dhe i kanë marrë kasetofonin mjetit tip Benz, në pronësi të shtetasit B.B. 22 vjeç, banues në Durrës.
4-Më datë 06.05.2016, në lagjen Nr.9, Durrës kanë tentuar të vjedhin kasetofonin në mjetin tip Opel Astra, në pronësi të shtetasit B.A 32 vjeç, banues në Durrës.
5-Më datë 19.05.2016, në lagjen Nr.4 kanë vjedhur sensorët e mjetit tip Benz, në pronësi të A.L. 30 vjeç, banues në Durrës.
6-Më datë 20.05.2016, në lagjen Nr.13 kanë vjedhur shiritin e sensorëve të mjetit tip Benz, në pronësi të shtetasit E.I. 29 vjeç, banues në Durrës.
7.Më datë 22.05.2016, në lagjen Nr.2, Durrës kanë thyer xhamin dhe i kanë vjedhur kasetofonin mjetit tip Renault, në pronësi të shtetasit A.Q. 28 vjeç, banues në Durrës.
8-Më datë 24.05.2016, në lagjen Nr.3, Durrës kanë vjedhur dy sensorë të mjetit tip Benz, në pronësi të shtetasit F.V. 23 vjeç, banues në Durrës.
9-Më datë 30.05.2016, nëlagjen Nr.3, Durrës kanë vjedhur kasetofonin dhe navigatorin në mjetin tip Benz, në pronësi të shtetasit G.B. 46 vjeç, banues në Tiranë.
10-Më datë 14.06.2016, në lagjen Nr.6, Durrës kanë vjedhur dy pasqyrat e mjetit tip Benz, në pronësi të shtetasit D.Sh. 38 vjeç, banues në Durrës.
