Një 19-vjeçar në Durrës ka plagosur me thikë me shpatull bashkëmoshatarin tij pas një konflikti. Ditën e djeshme në orën 09:30, në lagjen Nr.18, shtetasi J.B. 19 vjeç, banues në Durrës ka goditur me thikë në pjesën e shpinës, shtetasin D.S. 19 vjeç, gjithashtu banues në Durrës.
Policia filloi procedimin penal dhe po punon për kapjen e 19-vjeçarit J.B., ndërsa i plagosuri ndodhet në Spitalin Rajonal të Durrësit jashtë rrezikut për jetën. Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale” Plagosja e rëndë me dashje”dhe” Prodhimi, mbajtja, blerja apo shitja pa leje e armëve të ftohta”.
